點樣寫一個會成交嘅場地介紹？標題、設施同入場指示

會成交嘅場地介紹，係標題講清楚地點同賣點、開首一句話俾客人知最適合咩場合、設施逐項寫細節、守則同入場指示清楚易明。客人比較緊幾個場地時，資料最齊、最易明嗰個通常會贏。

標題點寫？

好嘅標題包括：

• 地點：地區或者鄰近港鐵站。
• 類別：Party Room、影樓、Band 房等等。
• 一至兩個最突出嘅設施：例如卡拉 OK、無縫牆、自然光。
• 適合人數（可選）：客人搜尋時會輸入人數，標題寫埋可以一眼對得上。

標題公式

地點 + 類別 + 一至兩個賣點 + 人數。以下係格式示範，方括號換成你自己嘅資料：

• [地區] Party Room，有卡拉 OK 同麻雀，最多 [人數] 人
• 近 [港鐵站] 自然光影樓，有無縫牆
• [地區] 隔音 Band 房，全套鼓同 Amp
• [地區] 會議室，有投影同視像會議設備，可坐 [人數] 人

避免：

• 全部大階或者一串符號。
• 「全港最平」「最大」之類無法證明嘅字眼。
• 塞太多關鍵字，反而睇唔明。
• 寫價錢：價錢會變，而且搜尋結果已經顯示嗰個時段嘅總價。

開首一句點寫？

介紹第一句要答客人最想知嘅問題：呢度啱咩場合、啱幾多人。例如講明適合生日、公司活動定拍攝，同埋大概幾多人用最舒服。

以下係示範寫法對比，唔係真實場地：

左邊每句都適用於任何場地，客人睇完冇多知一樣嘢；右邊每句都答咗一個實際問題。

之後再用短段落講：

• 空間同間隔：有幾多個房、可以點擺位。
• 最多人用嘅設施：客人最常用邊幾樣。
• 交通同入口：鄰近港鐵站、大廈入口喺邊條街、夜晚出入要留意咩。

如果你設咗最少鐘數、最少人數、小童價、團體折扣，喺介紹再講一次，等客人訂之前已經知道。價錢點設可以睇 場地定價。

設施點寫先有用？

客人可以按設施篩選場地，所以：

1. 逐項剔選：有嘅設施全部剔，冇嘅唔好剔。
2. 寫數量：例如有幾張麻雀枱、幾支咪。
3. 寫細節：型號、清單、類型。
4. 保持更新：設施壞咗或者換咗，即刻改。

細節寫得清楚，客人唔使逐樣問，預訂會快好多。

附加項目

如果你有附加項目，例如 BBQ 食物套餐或者額外器材，寫清楚包咩、幾多人份。客人訂場時揀，會自動計入總價。

場地守則點寫？

寫清楚會影響客人決定嘅規矩：

• 可唔可以飲酒、食煙、帶寵物
• 幾點要收細聲
• 使唔使換鞋
• 離場前要做咩清潔、垃圾點處理
• 超時點計

守則清楚，客人預先知道，之後如果要報告損壞、超時或者額外清潔，都有根據。可以睇 按金、損壞同爭議處理。

入場指示點寫？

自助入場嘅場地，入場指示會喺開始前用電郵同 WhatsApp 發俾客人。最好由大廈入口開始，跟客人實際行嘅次序一步步寫到離場：

確實樓層同單位只會喺預訂確認後先顯示，入場指示唔會公開。入場指示配合入口相效果最好，可以睇 影出會被預訂嘅場地相。

最後檢查